ମାଛରେ ରକ୍ତ ସଂଚାଳନ
ମାଛର ହୃତପିଣ୍ଡ ଦୁଇ ପ୍ରକୋଷ୍ଠବିଶିଷ୍ଟ ।
ଏଥିରେ ରହିଛି ଗୋଟିଏ ଅଳିନ୍ଦ ଏବଂ ଗୋଟିଏ ନିଳୟ ।
ଶରୀରରୁ ଅମ୍ଲଜାନଯୁକ୍ତ ରକ୍ତ ସଂଗୃହିତ ହୋଇ ହୃତପିଣ୍ଡ ମଧ୍ୟ ଦେଇ ଗାଲି ଭିତରକୁ ଯାଏ, ଗାଲିରେ ରକ୍ତ ଦ୍ରବୀଭୁତ ଅମ୍ଲଜାନ ଆହରଣ କରେ ।
ରକ୍ତ କେବଳ ଥରେ ମାତ୍ର ହୃତପିଣ୍ଡ ମଧ୍ୟ ଦେଇ ପ୍ରବାହିତହେଉଥିବାରୁ ଏ ପ୍ରକାର ରକ୍ତ ସଂଚାଳନକୁ ଏକକ ସଂଚାଳନ (Single circulation) କୁହାଯାଏ ।
ବେଙ୍ଗରେ ରକ୍ତ ସଂଚାଳନ
ବେଙ୍ଗର ହୃତପିଣ୍ଡ ତିନି ପ୍ରକୋଷ୍ଠବିଶିଷ୍ଟ । ଏଥିରେ ରହିଛି ଦୁଇଟି ଅଳିନ୍ଦ ଓ ଗୋଟିଏ ନିଳୟ ।
ଶରୀରରୁ ଅମ୍ଲଜାନବିହୀନ ରକ୍ତ ଆସି ଦକ୍ଷିଣ ଅଳିନ୍ଦରେ ପହଞ୍ଚେ । ଦକ୍ଷିଣ ଅଳିନ୍ଦର ସଂକୋଚନ ଫଳରେ ମ୍ଲଜାନବିହୀନ ରକ୍ତ ନିଳୟ ମଧ୍ୟକୁ ପ୍ରବେଶ କରେ ଓ ପରେ ଫୁସଫୁସକୁ ଯାଏ ।
ଫୁସଫୁସରୁ ଅମ୍ଲଯଜାନଯୁକ୍ତ ରକ୍ତ ଆସି ବାମ ଅଳିନ୍ଦରେ ପହଞ୍ଚେ ।
ବାମ ଅଳିନ୍ଦର ସଂକୋଚନ ଫଳରେ ଅମ୍ଲଯଜାନଯୁକ୍ତ ରକ୍ତ ନିଳୟ ମଧ୍ୟକୁ ପ୍ରବେଶ କରେ ।
ନିଳୟରେ ଉଭୟ ଅମ୍ଲଜାନବିହୀନ ରକ୍ତ ଓ ଅମ୍ଲଯଜାନଯୁକ୍ତ ରକ୍ତର ମିଶ୍ରଣ ହୁଏ ।
ନିଳୟର ସଂକୋଚନ ହେଲେ ମିଶ୍ରିତ ରକ୍ତ ଧମନୀ ମଧ୍ୟଦେଇ ବିଭିନ୍ନ ଅଙ୍ଗକୁ ପ୍ରବାହିତ ହୋଇଥାଏ ।
ଉଭୟଚର ପ୍ରାଣୀମାନଙ୍କ ଶରୀରରେ ହେଉଥିବା ଚୟାପ୍ରଚୟ ଧୀର ମନ୍ଥର ଗତିରେ ହୋଇଥାଏ,ଏଥି ପାଇଁ କମ୍ ଶକ୍ତିର ଆବଶ୍ୟକ ହୋଇଥାଏ । ତେଣୁ ସେମାନଙ୍କ ଅମ୍ଲଜାନ ଚାହିଦା କମ୍ ।
